Sulmuesi shqiptar ia “shkel” syrin Lampardit, shënon në derbin londinez

Futboll 06 Janar 2020 22:36

Armando Broja vazhdon të tregojë formën e tij shumë të mirë me grupmoshat e reja të Chelseat teksa ditën e sotme i ka dhënë fitoren ekipit të tij në derbin ndaj Tottenham.

Sulmuesi shqiptar ka startuar ndeshjen si titullar mes ekipeve të U-23 vjeçarëve edhe pse është në moshën 18 vjeçare.

Armando Broja e ka shpërblyer besimin e dhënë nga klubi i Chelseat, duke shënuar vetëm 8 minuta nga përfundimi i ndeshjes dhe i ka dhënë fitoren minimale 0-1 ekipit të tij.

Sulmuesi 18 vjeçar është duke bindur si me moshat U-18, U-20 dhe U-23. Një ecuri mjaft pozitive e cila shumë shpejt mund t’i shërbejë si katapult për ekipin e parë i cili stërvitet nga Frank Lampard.

Broja ka shënuar me të gjitha ekipet zinxhire të Chelsea dhe i ngelet vetëm promovimi në ekipin e parë.

-->