Super lajm për Muriqin nga Premier Liga

Futboll 16 Maj 2019 19:20

Portieri i Kosovës, Arijanet Muriq, është përzgjedhur në ekipin më të mirë U21 në Premier Ligë, nga “Goal”.

Talenti kosovar nuk u paraqit fare në Premier Ligë, por ishte numri një te kampioni Manchester City në ndeshjet e Kupës EFL.

“Goal” ka lavdëruar portierin e ri të Kosovës duke përmendur edhe debutimin për kombëtaren.

“Ka qenë një sezon i mirë për Arijanet Muriqin. Në moshën 20-vjeçare, zgjodhi të luajë dhe më pas debutoi për Kosovën dhe fitoi Premier Ligën me Manchester Cityn. Portieri i ri ishte zgjedhja e parë nga Pep Guardiola për Kupën EFL. Muriqi u paraqit në pesë nga gjashtë ndeshjet e Cityt për të fituar kupën, duke mbajtur katër herë portën e paprekur, duke pësuar një gol, e duke pritur dy penalti në fitoren në çerekfinale ndaj Leicesterit”, ka shkruar “Goal” për Muriqin.

Arijanet Muriqi (Manchester City), Trent Alexander-Arnold (Liverpool), Juan Foyth (Tottenham), Joe Gomez (Liverpool), Ryan Sessegnon (Fulham), Declan Rice (West Ham), Matteo Guendozi (Arsenal), David Brooks (Bournemouth), Richarlison (Everton), Marcus Rashford (Manchester United), Dwight McNeil (Burnley) bëjnë pjesë në ekipin më të mirë të Premier Ligës U21, sipas “Goal”./Insporti