Superkupa Mbarëkombëtare e meshkujve zhvillohet në Shkodër

Basketboll 07 Tetor 2021 14:28

Liga Unike do të fillojë edicionin e ri me Superkupën Mbarëkombëtare në të dyja konkurrencat. Femrat do të garojnë në Vlorë, kurse meshkujt në Shkodër.

Ndeshjet gjysmëfinale do të zhvillohen më 16 tetor, kurse finalja zhvillohet më 17 tetor.

Në gjysmëfinalen e parë takohen Vllaznia dhe Prishtina, dy skuadra me traditë në basketbollin e Shqipërisë dhe Kosovës.

Gjysmëfinalja tjetër zhvillohet ndërmjet Teutës dhe Golden Eagle Yllit. Skuadra durrësake është kampione dhe fituese e Kupës së Shqipërisë, duke i fituar dy trofetë në basketbollin shqiptar, kurse Golden Eagle Ylli është kampion i Ligës Unike, si dhe kampion i Kosovës.

Katër skuadra do të garojnë për trofeun e çmuar, si dhe historik, duke marrë parasysh se ky është edicioni i parë i Superkupës Mbarëkombëtare, e organizuar nga Liga Unike.

Orari-Meshkujt:
16 tetor
17:00 Vllaznia-Prishtina
20:00 Teuta-Ylli
17 tetor
20:00 Finalja.

-->