Tifozët e Liverpoolit paguajnë aeroplan me reklamë mbi kampin stërvitor të Unitedit – Ky është mesazhi i tyre

Futboll 11 Korrik 2019 12:08

Disa tifozët të Liverpoolit thuhet se kanë paguar një aeroplan për të fluturuar mbi kampin e trajnimit të Manchester Unitedit në Perth të Australisë me mesazhin “Liverpool 6x Europian Champions”, duke ia kujtuar gjashtë trofetë e fituara të Reds në Evropë.

Rivaliteti i madh mes dy klubeve më të mëdha angleze është i ditur nga të gjithë dhe urrejtja mes vete është shumë e madhe.

Në secilën kohë, njerëzit e klubit apo edhe tifozët mundohet të poshtërojnë kundërshtarin dhe të tregojnë superioritetin e tyre.

Diçka të tillë kanë bërë disa tifozë të Liverpoolit, të cilët kanë paguar një aeroplan për të fluturuar mbi kampin stërvitor të Unitedit në Perth.

Duket se tifozët kanë paguar një sasi të konsiderueshme të parave për të përulur skuadrën e Ole Gunnar Solskjaer para sezonit të ri.

Sipas agjencisë lokale, Air Ads, një fluturim dy-orësh me një mesazh reklamimi kushton 1,150 dollarë.

Unitedi po merr pjesë në një seancë trajnimi të hapur në terrenin WACA përpara ndeshjes së tyre të parë të turneut kundër Perth Glory të shtunën më 13 korrik.

Skuadra e Solskjaer pastaj do të luaj kundër rivalëve të Leeds United të mërkurën më 17 korrik.

Ndoshta mesazhi i aeroplanit do të jetë më shumë një motivim se diçka tjetër.