Tifozi i Unitedit e kërkoj Kloppit të humbas ndeshje me Liverpoolin, përgjigjja e gjermanit është epike

Futboll 21 Shkurt 2020 10:53

Liverpooli nuk ka të ndalur në Premierligë ku nga 26 ndeshje, i ka fituar 25 dhe ka barazuar një herë me Manchester Unitedin.

Kjo super formë e tyre e ka shqetësuar tifozin dhjetëvjeçar të Unitedit, Daragh Curley, i i cili i shkroi letër trajnerit të Liverpoolit, Jurgen Klopp.

“Liverpooli është duke fituar shumë ndeshje. Nëse i fiton edhe nëntë ndeshje të tjera, atëherë do ta keni rekordin më të mirë si të pamposhtur në futbollin anglez. Të jesh tifoz i Unitedit është shumë e mërzitshme”, shkroi Curley.

“Kështu që herën tjetër që Liverpooli do të luajë, ju lutem humbni. Ju duhet ta lejoni skuadrën tjetër të shënojë. Shpresoj që të kam bindur të mos e fitosh ligën apo as edhe një ndeshje tjetër”.

Klopp ia ka kthyer përgjigjen tifozit, i cili i kishte shkruar gjermanit letër duke u kërkuar “Reds” të fillojnë të humbasin ndeshje.

 “Fatkeqësisht, në këtë rast, unë nuk mund të ta plotësoj dëshirën, jo me dëshirën time të paktën”, ka thënë Klopp.

“Edhe pse ti do aq shumë që Liverpooli të humbasë, është puna ime të bëjë gjithçka që mundem për t’i ndihmuar Liverpoolit të fitojë sepse ka miliona njerëz rreth botës që duan shumë që kjo të ndodhë, kështu që unë nuk dua t’i zhgënjej ata”.

“Unë mund të them pa asnjë dyshim se diçka që s’do të ndryshojë asnjëherë është pasioni yt për futbollin dhe për klubin tënd. Manchester Unitedi është me fat që të ka”.

“Edhe pse klubet tona janë rivale të mëdha, ne kemi edhe respekt të madh për njëri-tjetrin. Sipas meje, ky është kuptimi i futbollit”.

-->