Trajneri i Turqisë: Ëndërroj finalen me Italinë

Futboll 11 Qershor 2021 11:13

Trajneri i Kombëtares së Turqisë, Senol Gunes, mban shpresa të mëdha që Turqia të shkojë larg në Kampionatin Evropian.

Sot, duke filluar nga ora 21:00, Turqia e nis aventurën në “Euro 2020” në stadiumin “Stadio Olimpico” të Romës kundër Italisë.

Para ndeshjes, ka folur edhe trajneri i turqëve, Senol Gunes, i cili ëndërron që të fitoj Kampionatin Evropian me Turqinë.

“Italia ka një grup shumë të fortë, por edhe individë që bëjnë diferencën. Ata stërviten nga një trajner ekspert si Mancini, që na njeh mirë pasi ka punuar te Galatasaray, megjithatë ne kemi dëshirën për të bërë mirë dhe besoj në një nisje perfektë”, tha ai.

“Kam 26 lojtarë shumë të fortë dhe kushdo që të zbresë në fushë, do të bëjë mirë. Ne nuk jemi as favoritë të grupit, por shpresoj shumë që të përballemi me Italinë edhe në finale, pasi do të ishte arritje madhështore për ne”.

Në Grupin A me Turqinë dhe Italinë janë edhe Uellsi dhe Zvicra e Xherdan Shaqirit, Granit Xhakës dhe Admir Mehmedit.

-->