U dënua për “shqiponjën” ndaj Serbisë – Xhaka tregon kush ia pagoi gjobën

Futboll 16 Qershor 2019 10:35

Në vigjilje të ndeshjes së yjeve ndërmjet ekipit të Granit Xhakës dhe atij të Milot Rashicës kanë folur edhe protagonistët e ndeshjes.

Granit Xhaka ndër të tjerash foli edhe për “shqiponjën” e bërë pas realizimit të golit në duelin me Serbinë në Kampionatin Botëror.

“Nuk ishte një ndeshje e zakonshme. Në ndeshje pata shumë emocione dhe pas realizimit të golave u hupa krejt (qeshet). Nuk ishte diçka e planifikuar por doli e bukur. Fitorja ishte për Zvicrën dhe krejt shqiptarët”, deklaroi Xhaka.

“Një biznesmen shqiptar nga Amerika na ka paguar dënimin, faleminderit shumë”, deklaroi Xhaka.