Vedat Muriqi në La Liga?

Futboll 25 Janar 2022 16:02

Vedat Muriqi ka rënë në radarin e Mallorcas. Atë e duan edhe në Turqi, e Rusi.

Mallorca po lufton me kohën për të gjetur një sulmues për pjesën e mbetur të sezonit.

Italiani Simeone Zaza dhe Borja Bastón janë disa nga emrat në listën e Mallorcas.

Mirëpo, AS ka mësuar se bomba e janarit mund të jetë Vedat Muriqi i Kosovës.

Drejtuesit sportivë të Mallorcas nga Spanja, gjithnjë sipas AS, ndjejnë se sulmuesi i Kombëtares së Kosovës është i duhuri për stolin e tyre.

Muriqi, që ka kontratë me Lazion deri më 2025, nuk ka arritur të tregojë në Itali atë që bëri në Turqi me Fenerbahçen dhe Lazio është e gatshme ta shesë për një çmim të arsyeshëm.

-->