VIDEO/ Festa e çmendur e Ismet Munishit pas golit të Gjilanit ndaj Prishtinës, në minutën e 94’të

Futboll 16 Shtator 2021 18:21

Është zhvilluar në stadiumin “Fadil Vokrri” një nga ndeshjet më dramatike të këtij sezoni të ri të BKT Superligës së Kosovës.

Ndeshja ndërmjet Prishtinës dhe Gjilanit, prodhoi gjithçka: penallti me ndihmën e “VAR”, karton të kuq dhe gol në minutat e fundit.

Besnik Krasniqi shënoi golin e parë të ndeshjes së mbyllur me rezultat 1-1, nga pika e penalltisë, kurse Dabiqaj në minutën e 94’të, barazoi rezultatin për skuadrën e Ismet Munishit.

Sa i rëndësishëm ishte goli i Dabiqaj, e tregon edhe festimi i trajnerit Munishi, pas golit në momentet e fundit të ndeshjes.

VIDEO:

Pas këtij barazimi, Prishtina ende vazhdon pa fitore këtë edicion, ku edhe pozicionohet në vendin e shtatë në tabel me vetëm 2 pikë, kurse Gjilanasit, nga katër ndeshjet e para, kanë arkëtuar gjashtë pikë dhe pozicionohen në vendin e gjashtë në tabel. /Insporti.com/

-->