Wilder: “Isha i dëmtuar, e mallkoj veten”

Boks 05 Dhjetor 2018 08:55

Boksieri amerikan, Deontay Wilder, ka rrëfyer sot se në sfidën ndaj Tyson Fury, zhvilluar më 1 dhjetor në Los Anxhelos, ka dueluar jo në 100% të formës së tij.

Kampioni i botës në peshën e rëndë tha se 12 javë para kësaj përballje ka thyer dorën e djathtë, pak ditë para se të niste fazën përgatitore për duelin ndaj Fury.

Për këtë arsye, ai shpehet se fuqia e tij ishte në 50% të asaj të zakonshmes.

Ju patë më të mirën e Fury ndaj meje, por isha unë ai që nuk dhashë maksimumin, pasi dueloja me një dorë në 50% të forcës së saj”, tha Wilder.

“Imagjinoni se çfarë do t’i kisha shkaktuar Fury nëse do ta godisja me 100% të fuqisë time, po të mos kisha atë dëmtim. Ky ishte faji im i vetëm dhe për këtë e mallkoj veten time”, u shpreh Deontay Wilder, kampion bote ne kategorinë WBC.