Wilder suspendohet nga boksi për gjashtë muajt e ardhshëm – kjo është arsyeja

Sporte të tjera 13 Tetor 2021 14:57

Deontay Wilder është goditur me një pezullim mjekësor gjashtë mujor pas humbjes së tij me nokaut nga Tyson Fury në Las Vegas, një goditje tjetër e madhe në karrierën e boksierit.

Amerikani nuk ishte në gjendje të merrte hak ndaj “Mbretit Gypsy” për humbjen e tij në ndeshjen e tyre të dytë, pasi Fury e rrëzoi tri herë, në luftën e tyre trilogjike.

Wilder u dërgua menjëherë në një spital në Nevada për t’u kontrolluar pas përplasjes dhe ai tani do t’i nënshtrohet një operacioni në dorën e thyer, kur të kthehet në shtetin e tij në Alabama.

Si pasojë e plagëve të tij, Komisioni Atletik Shtetëror i Nevadës e ka këshilluar atë të pezullojë ndeshje deri më 8 prill, që do të thotë se ai nuk mund të kthehet në ring deri në atë datë, nëse nuk i jipet leja nga një mjek paraprakisht.

Wilder gjithashtu ka thyer gishtin dhe kyçin e këmbës, shkruan DailyMail, transmeton Klankosova.tv.

Lufta e tyre të shtunën ishte një nga më të mirat në vitet e fundit me Wilder që rrëzoi Furyn dy herë në raundin e katërt, por nukautimi nga Fury në raundin e tetë bëri që referi ta ndërpres ndeshjen.

-->