Ylli i Kosovës nuk ndalet, shënon gol të bukur me klubin

Futboll 25 Qershor 2020 21:37

Lojtari i talentuar i Kombëtares së Kosovës, Lirim Kastrati, sot pas vetëm 8 minutash lojë shënoi për Lokomotivën e Zagrebit në udhëtim kundër Istras.

Ai e gjeti rrugën e rrjetës pas një aksioni fantastik, i nisur që nga mbrojtja me top të gjatë. Vetëm me portierin Kastrati e pati të thjeshtë të shënonte.

Ndeshja përfundoi me rezultat të barabartë 1:1, sepse vendasit barazuan pas golit të shqiptarit në pjesën e parë me anë të Guzina në minutën e 14.

Përpos Lirim Kastrati në këtë ndeshje si titullarë u paraqiten edhe Mercinaj e Tuci.

-->