Zyrtare: Hakim Ziyech futbollist i Chelseat

Futboll 13 Shkurt 2020 13:22

Klubi i Ajaxit ka konfirmuar se ka arritur marrëveshje me Chelsean për transferimin e Hakim Ziyechut.

Hakim Ziyech nga vera e këtij viti do të jetë futbollist i gjigantit anglez, ka konfirmuar klubi i madh holandez, transmeton Insporti

“Ajaxi dhe Chelsea kanë arritur marrëveshje për transferimin e Hakim Ziyech. Lojtari do t’i bashkohet klubit të Premierligës më 1 korrik 2020 dhe do të përfundojë këtë sezon në Amsterdam”, thuhet në njoftim të klubit.

“Klubet kanë arritur marrëveshje për transferimin me vlerë 40 milionë euro. Kjo shumë mund të ngritet në vlerë të 44 milionë eurove”, thuhet në njoftim.

Kontrata e marokienit 26-vjeçar me klubin holandez ishte e paraparë të skadonte më 30 qershor 2022.

Ziyech e ka bërë debutimin me Ajaxin më 11 shtator 2016. I lindur në Holandë, ai ka zhvilluar 160 takime zyrtare me Ajaxin, duke shënuar 49 gola. /Insporti.com/

-->